Bahadur Shah Zafar Lagta nahin hai dil mera ujde dayar mein
Kis ki bani hai aalam-e-na-payedar mein
Bulbul ko baghban se na sayyad se gila
Qismat mein qaid likkhi thi fasl-e-bahar mein
Umr-e-daraz maang ke laye the char din
Do aarzoo mein kat gaye do intezar mein
Kitna hai bad-naseeb Zafar dafn ke liye
Do gaz zameen bhi na mili koo-e-yaar mein
Tip: Click or hover on underlined words to view instant Safha Global dictionary definitions