Allama Iqbal Sitaron se aage jahan aur bhi hain
Abhi ishq ke imtihan aur bhi hain
Tahi zindagi se nahin ye fazayen
Yahan saikdon karwan aur bhi hain
Qana'at na kar aalam-e-rang-o-boo par
Chaman aur bhi aashiyan aur bhi hain
Agar kho gaya ik nasheman to kya gham
Maqamat-e-aah-o-fughan aur bhi hain
Tu shaheen hai parwaaz hai kaam tera
Tere samne aasman aur bhi hain
Isi roz-o-shab mein ulajh kar na reh ja
Ke tere zameen-o-makan aur bhi hain
Tip: Click or hover on underlined words to view instant Safha Global dictionary definitions